பதினைந்து ஆண்டுகளுக்கு முன் ஹாலிவுட் இயக்குனர் ஸ்டீபன் ஸ்பீல்பெர்க் ஜூராசிக் பார்க் எனும் திரைப்படத்தை இயக்கியபின் டைனோசர் குறித்த அறிதல் உலகின் கடை கோடி வரைக்கும் சட்டென பரவியது.
எழுத்தாளர்கள், ஆராய்ச்சியாளர்கள், திரைப்பட இயக்குனர்கள், சிறுவர்கள், வணிக வியாபார நிறுவனங்கள் என பல்வேறு நிலையினரின் ஆர்வத்தை அந்தத் திரைப்படம் தூண்டி விட்டது என்றால் மிகையல்ல. தற்போது சீனாவின் மிகப்பெரிய டைனோசர் பார்க் பார்வையாளர்களுக்காய் திறக்கப்பட்டுள்ளது.
தற்போது சீனாவில் யுனான் பகுதியில் துவங்கப்பட்டுள்ள டைனோசர் பள்ளத்தாக்கு கிராபிக்ஸ் கலக்கல்களுக்கான தளம் அல்ல. உண்மையிலேயே டைனோசர்களின் உறை நிலை படிமங்கள் புதைந்து கிடக்கும் கல்லறைத் தோட்டம் அது.
இந்தப் பூங்காவில் 60 உண்மையான டைனோசர் எலும்புக் கூடுகள் உள்ளன என்பது வியப்பூட்டும் செய்தியாகும். இதில் நூறு மில்லியன் வருடங்களுக்கு முந்தைய எலும்புக் கூடும் உண்டு என சொல்லப்படுகிறது.
பலகோடி ரூபாய் செலவில், நான்கு சதுர கிலோமீட்டர் பரப்பளவில் இந்த பூங்கா அமைக்கப்பட்டுள்ளது. இந்தப் பூங்காவின் உள்ளே ஆங்காங்கே சிறுவர்களைக் குஷிப்படுத்தும் விதமாக பல டைனோசர் சிலைகளும் நிறுவப்பட்டுள்ளன.
கடந்த வெள்ளிக்கிழமை துவங்கப்பட்ட இந்த பூங்காவுக்கு மிகப்பெரிய வரவேற்பு கிடைத்துள்ளதாக சீன பத்திரிகைகள் தகவல் வெளியிட்டுள்ளன.
vikneshwaran சொன்னது,
April 25, 2008 இல் 12:11 பிற்பகல்
டைனோசர் … பயமாய் இருக்கிறது…
நல்ல தகவல்… நன்றி
சேவியர் சொன்னது,
April 25, 2008 இல் 12:35 பிற்பகல்
தம்பி… எலும்புக்கூடுக்கெல்லாமா பயப்படுவாங்க
kumar சொன்னது,
மே 13, 2008 இல் 2:01 பிற்பகல்
its hostorical research
no funny comments guys
சேவியர் சொன்னது,
மே 14, 2008 இல் 10:16 மு.பகல்
//its hostorical research
no funny comments guys
//
இப்படி உறைக்கிறமாதிரி சொல்லுங்க