வேல் : ஹரி.. வெரி வெரி சாரி..

vel.jpg

ரொம்ப நல்ல படம்டா.. போய் பாருடான்னு உசுப்பேத்தி வுட்டாங்க பசங்க. நானும் பார்த்தேன்.

‘இந்த ஊரில் எப்பவுமே கெட்டதே நடக்காதுடா..’ சங்கர் மகாதேவன் உச்சஸ்தாயியில் பாடுகிறார் வேல் படத்தில். ரொம்ப அமைதியான ஊர் போல, என்று நினைத்துக் கொண்டே படம் பார்த்தால் படம் முழுக்க ஜீப்கள் எரிகின்றன, மரங்கள் எரிகின்றன, ஆலைகள் எரிகின்றன இத்யாதி.. இத்யாதி.

“இங்க எறும்பு கூட யாரையுமே கடிக்காதுடா..” பாடல் வரிகளை எங்கே புடிச்சாங்கன்னு தெரியலை. ரசிக்கும் படியா இருக்கு. ஆனா, படம் முழுக்க அரிவாள் ஓய்வில்லாமல் வெட்டிக் கொண்டே இருக்கிறது. ஒருவேளை “இங்கே எறும்பு மட்டும் யாரையுமே கடிக்காதுடா” ன்னு இருக்கணுமோ தெரியலை.

பாடலாசிரியர்கள் கொஞ்சம் கவனம் செலுத்தினால் தேவலை. இது மட்டுமல்ல, இரண்டாவது வரியில் இப்படி “எறும்பு கூட யாரையுமே கடிக்காதுடா “ என்றவர் அதே பாடலில் “புள்ளையார் சுண்டல் கேட்பார், பிள்ளைங்க சண்டை கேட்பர்” என்று கூறியிருக்கிறார், குண்டு போட்டா சிதறும்ன்னு சிலிர்க்க வைக்கிறார்  ஐயா.. கனவான்களே… பாடல்கள் கதையோட்டத்தைப் பிரதிபலிக்காவிட்டால் கூட பரவாயில்லை. வரிக்கு வரி முரண் மூட்டைகளை விரித்து பாடல்களை நகைச்சுவைக் களமாக்கி விடாதீர்கள்.

( இப்படி தான் சிவாஜி படத்துல, “ஆடு மாடு மேல உள்ள பாசம் வீட்டு ரேஷன் கார்டில் சேக்கச் சொல்லிக் கேட்கும்” ன்னு சொல்லிட்டு ஆடு, மாடு, கோழி எல்லாம் சந்தோசாமா சிரிச்சிட்டிருக்கும் போதே, “அம்மியில் அரச்சு ஆக்கி வெச்ச நாட்டு கோழி பட்ட கிளப்பும்” ன்னு ஒரு குண்டை தூக்கி போட்டீங்க !. )

அதெல்லாம் விடுங்க. ஒரு கதை சொல்றேன் கேளுங்க.

ஒரு ஊரில ஒரு பெற்றோருக்கு இரட்டைக் குழந்தைகள் பிறக்குது ( ஆமா, இரண்டும் ஆண் பிள்ளைங்க தான் ) அதுல ஒரு குழந்தை திருடு போயிடுது. இரண்டு பிள்ளைங்களும் இரண்டு இடத்துல வளர்ராங்க. குழந்தையைப் பறிகொடுத்த தாய் இருபத்து ஏழு வருஷமாய் ( ஆமாங்க… எந்த ஹீரோக்கு தான் என்னிக்கு தான் முப்பது வயசு தாண்டியிருக்கு ? ) குழந்தைக்காய் அழுகிறாள்.

குழந்தை கிடைத்த தாய், குழந்தை பறி போய் விடக் கூடாதே என அழுகிறாள். கடைசியில் இருவரும் சந்தித்துக் கொள்ள, தாய் மகனைக் கேட்க, வளர்ப்புத் தாய் அழ….

“இது எம்.ஜி.யார் பட கதை தானே”

யாருப்பா .. குறுக்கால பேசறது ? ஒழுங்கா வேல் பட கதையைச் சொல்ல விடமாட்டியே… சரி இன்னொரு கதை சொல்றேன்.

ஹீரோவின் பெற்றோர் வில்லனுடன் உரசிக் கொள்ள, அவமானமடையும் வில்லன் சிறை சென்று திரும்பியபின் ஹீரோவின் பெற்றோரைக் கொலை செய்ய, ஹீரோ வளர்ந்து பழி வா….

“ வெரி..சாரி சார்… இது எந்த ஹீரோன்னு குறிப்பிட்டு சொல்ல முடியாதபடி எல்லாரும் நடிச்ச கதை….”

மறுபடியும் குறுக்கே பேச வந்துட்டியா ? வேல் படத்தோட கதை இவ்ளோ தான். இனிமேலாச்சும் கொஞ்சம் சைலண்டா இரு.

என்னது ? வேல் படத்தோட கதை இவ்ளோ தானா ? அப்போ எப்படி படம் சூப்பர் அது இதுன்னு சொல்றாங்க ? ஒருவேளை காட்சிப்படுத்தல்ல கலக்கிட்டாங்களோ ?

மண்ணாங்கட்டி. அதே லாரி, அதே கிராமம், அதேமாதிரி ஆளாளுக்கு நாலஞ்சு அரிவாள், பெரிய மீசை, அரைக்கை சட்டை இப்படியே ஹரியோட ஏதாவது ஒரு படத்தை நினைச்சு பாரு. அதுல இருந்து கொஞ்சமும் மாற்றமில்லை இந்த வேல்.

ஒருவேளை பாடல், சண்டைக்காட்சி ?

என்னப்பா.. இந்திய கிரிக்கெட் டீம் போல, அடுத்தவன் அடிப்பாங்கற கணக்கா, விடாம கேள்வியா கேட்டுட்டே இருக்கே ? அதெல்லாம் ஒண்ணும் இல்லை.

பின்னணி..

முன்னணிக்கு வரத் தகுதியில்லாத காது வலி.
யுவன்.. நிஜமாவே நீங்க தான் இசையா ? இல்லை பினாமியா ?

அசின் ? சரி.. கதாநாயகியைப் பற்றி என்னத்தை பேசிட்டு. ஆட்டம் போடறீங்க இல்ல ? அது போதும் தமிழ் சினிமாவுக்கு.

வடிவேலு, நீங்க கூட இப்படியாயிட்டீங்களே. இருந்தாலும், ஏதோ நீங்க இருக்கிறதனால சில செண்டர்களிலயாவது வேலுக்கு வேலையிருக்கு.

ஹரி… என்னப்பா படம் எடுக்கறே ? சூர்யா போன்ற ஒரு நடிகரோட கால்ஷீட் கிடச்சாலும் உங்களுக்கு கதை இது தானா ? வித்தியாசமா யோசிக்கவே மாட்டீங்களா ? ஆறறிவை சூர்யா பயன்படுத்தப் போகிறார்ன்னு கொக்கி போட்டுட்டு டேபிள்ல கஞ்சா ஒளிச்சு வெக்கிறது, இன்கம் டாக்ஸ் காரங்களை வீட்டுல அனுப்பறது, செல்போன்ல டயலாக் விடறது … இவ்ளோ தானா ? மன்னிக்கவும்.. நீங்க உங்க படத்தைத் தவிர வேறு படங்களை பாக்கவே மாட்டீங்களா ?

ஏதோ சுரேஷ் கோபியோட மலையாள படம் பார்த்த மாதிரி ஒரே டயலாக் மழை.

வேல் – ஹரியிடம் சரக்கில்லை என்பதை நிரூபிக்கும் படம்.

கவுண்டர் vs செந்தில்

கவுண்டர் : நீ என்னடா இங்கே வந்தே ?
செந்தில் : திட்டாதீங்கண்ணே இது ஒங்க பொண்ணு கல்யாணம்.
கவுண்டர் : அதாண்டா மவனே நான் கை கட்டிட்டு நிக்கறேன்.
செந்தில் : என் முன்னாடி நீங்க கை கட்டிட்டு நிக்கறதே பாக்க நல்லாயிருக்குண்ணே

மாப்பிள்ளை : உங்க லொள்ளை புலிகேசி காலத்துலயும் நிறுத்த மாட்டீங்களா ?

4.jpg

வியக்க வைத்த வரலாறு

scorpian1.jpg

39 கோடி ஆண்டுகளுக்கு முன்பு வாழ்ந்த கடல் தேள் ஒன்றின் உறைந்த படிமங்கள் செர்மனி நகரில் கண்டுபிடிக்கப்பட்டுள்ளன. இதில் வியக்க வைக்கும் தகவல் என்னவென்றால் அந்த காலத்தில் வாழ்ந்த இந்த தேளின் நீளம் எட்டு அடி என்பதே!

மனிதனை விட உயரமான பூச்சியினங்கள் துவக்க காலத்தில் வாழ்ந்திருக்கின்றன என்னும் இந்தத் தகவல் புதிய ஆராய்ச்சிகளைத் துவங்கும் களமாக அமைந்திருக்கிறது.

இதற்கு முன் கண்டுபிடிக்கப்பட்ட கடல் தேளின் அதிகபட்ச நீளமே ஐம்பது செண்டீ மீட்டர் என்பது இங்கே குறிப்பிடத்தக்கது. இன்றைக்கு வாழும் இந்த உயிரங்களின் அதிகபட்ச நீளமான முப்பது செண்டீ மீட்டருடன் ஒப்பிடுகையில் பழைய கால 8 அடி என்பது அதிர்ச்சிகரமான அளவாக இருக்கிறது.

அந்த காலத்தில் வாழ்ந்த கரப்பான்பூச்சி, தட்டான் போன்ற பூச்சிகளும் இத்தகைய ராட்சத உருவம் கொண்டிருக்க வாய்ப்பு உண்டு என்னும் சிந்தனையை இந்த படிமங்கள் கொடுத்திருக்கின்றன.

அந்த காலத்தில் நிலவிய அதிகபட்ச உயிர்வழியும், சீர்குலையாத இயற்கையும், அஞ்சி ஓடத் தேவையில்லாத வாழ்க்கை முறையும் அவற்றை ராட்சத உருவங்களாக உலவ விட்டிருக்கலாம் எனவும் அந்த நிலை மாற மாற அவற்றின் உருவத்திலும் மாற்றம் நிகழ்ந்திருக்க வேண்டும் எனவும் ஆராய்ச்சியாளர்கள் கருதுகின்றனர்.

ஆராய்ச்சியாளர்கள் ஆளுக்கொரு கருத்து சொல்லிக்கொண்டிருக்கும் வேளையில் எட்டு அடி உயர தேள் ஒன்று வீட்டு சமையல் அறையில் நுழைவதைக் கற்பனை செய்து பார்த்தால் பகீரென்கிறது!

மகளை மணந்த தந்தை !

_44249940_india_jalpaiguri_map203.gif


தனது சொந்த மகளையே அவளுடைய பதினைந்தாவது வயதில் மேற்கு வங்கத்தைச் சேர்ந்த அலி என்பவர் திருமணம் செய்திருக்கிறார்.

அந்த திருமணத்திற்கு அவர் சொன்ன காரணம் “கடவுளின் கட்டளை”. அல்லா சொல்லிவிட்டார் என்று தன்னுடைய மனைவியிடம் சொல்லி திருமணம் செய்து கொள்ள அனுமதியும் வாங்கியிருக்கிறார் அவர்.

இந்த விஷயம் நடந்து ஐந்தாறு மாதங்களாகியிருக்கின்றன. இப்போது அந்தப் பெண் தன்னுடைய தந்தையால் தாயாகியிருக்கிறாள்.

இந்த விஷயம் கேள்விப்பட்ட கிராமத்தினர் கொதித்துப் போயிருக்கின்றனர். அந்த கோபம் கொலையாக மாறும் முன் காவல் துறையினர் அலியையும், அவர் மனைவியையும் காப்பாற்றியிருக்கின்றனர்.

இவர்கள் மீது பதிவு செய்யப்பட்ட வழக்கிலிருந்து இவர்களை விடுதலை செய்து “நீதியை” நிலைநாட்டியிருக்கிறது நீதி மன்றம். குறைந்த பட்சம் ஒரு மைனர் பெண்ணை திருமணம் செய்த குற்றத்துக்காகவேனும் அவர் தண்டிக்கப்பட வேண்டும் என்பது கிராமத்து மக்களின் கோரிக்கை.

கோபக் கிராமத்தினருக்குப் பயந்து கணவனும் மனைவியும் தலைமறைவாகியிருக்கின்றனர் இப்போது.

கடவுளுக்கு ஒரு விண்ணப்பம்: இப்படி தேவையற்ற திருமணங்களைச் செய்யச் சொல்லி உங்கள் பக்தர்களை வற்புறுத்தாதீர்கள்.

மனிதர்களுக்கு ஒரு விண்ணப்பம் : கடவுளிடம் எதையும் எழுத்து மூலம் வாங்கிக் கொண்டு செயல்படுங்கள். சட்டம் ஆதாரங்களை எதிர்பார்க்கும்.

Hutch (B)Ad : ரசிக்க , சிரிக்க

ad.jpg

Key Note : Never love your company, love your job, you never know when your company stop loving you. ( லவ் பண்ற பொண்ணு கூட தான் எப்போ நிப்பாட்ட போகுதுன்னு தெரியல. அதுக்காக, லவுசு பண்ணாம இருக்கறீங்களா என்ன ? )

இணையத்தில் தகவல் தேடுவோர் கவனத்திற்கு…

lap.jpg
கணினி என்பது ஆராய்சிகளுக்கும், அலுவலகங்களுக்கும் என்ற நிலை மாறி இன்று வீடுதோறும் ஓர் செல்லப் பிராணி போல இடம்பெற்றிருக்கிறது. இணையத்தின் பயன்பாடு வந்தபின் கணினி என்பது அன்றாட வாழ்வின் தேவைகளுக்கானவை என்னும் நிலை உருவாகியிருக்கிறது. மின்னஞ்சல்கள் அரட்டைகள் என தொடர்புகளுக்குப் பயன்படும் கணினி, தகவல் களஞ்சியமாகவும் பயன்பட்டு வருகிறது என்பது யாவரும் அறிந்ததே.

எழுத்தாளர்கள், ஆராய்ச்சியாளர்கள், மாணவர்கள் என அனைவருக்கும் இணையம் பல்வேறு தகவல்களை அளித்து வருகிறது. இணையத்தின் பயன்பாடு அதிகரிக்க அதிகரிக்க மாறுபட்ட தகவல்களும், முரண்பட்ட விளக்கங்களும் இணையத்தை ஆக்கிரமித்திருக்கின்றன.

இணையத்தின் தகவல்களை அடிப்படையாகக் கொண்டு வெளிவரும் கட்டுரைகளுக்கு இருக்கக் கூடிய நம்பகத் தன்மை கேள்விக்குரியதாகவே இருக்கிறது. இதன் முக்கியமான காரணம் யார் வேண்டுமானாலும் இணையத்தில் எதை வேண்டுமானாலும் எழுதலாம் என்னும் நிலையே.

விளம்பரத்துக்காகவும், வியாபாரத்துக்காகவும் தகவல்களை திரித்தும், சாதகப்படுத்தியும் இணையத்தில் வருகின்ற தகவல்களை ஆராய்ந்து சரிபார்க்கும் பணியும் இப்போது தகவல் தேடுவோருக்கு இருக்கிறது. நாம் பார்க்கும் இணைய தளம் நம்பகமானது தானா, இதில் குறிப்பிட்டுள்ளவை நடுநிலையோடு தான் குறிப்பிடப்பட்டிருக்கின்றனவா என்பதை ஆராயாமல் தகவல்களைப் பயன்படுத்துவது ஆபத்தில் முடியலாம்.

அதிலும் குறிப்பாக மருத்துவம் சார்ந்த தகவல்களைப் படிக்கும் போது அதிக பட்ச கவனம் தேவை.

1. யார் தளத்தை நடத்துவது என்பதை முதலில் தெரிந்து கொள்ள வேண்டும். உலக நலவாழ்வு நிறுவனம், போன்ற அமைப்புகளெல்லாம்
தன்னுடைய தளத்தின் எல்லா பக்கங்களிலும் அதன் முத்திரை, காப்புரிமை, போன்ற விவரங்களைக் குறிப்பிட்டிருக்கும்.

2. தளத்திற்கு யார் பொருளாதார உதவிகள் செய்கின்றனர் என்பதைக் கவனிக்க வேண்டும். .gov என முடியும் தளங்கள் அரசு நடத்தும்
தளங்கள், .edu தளங்கள் கல்வி தொடர்பானவை. இப்படிப்பட்ட தகவல்களை கவனிக்க வேண்டும். ஏதேனும் பிரபல நிறுவனம் நடத்தும்
தளமெனில் அந்த நிறுவனத்தின் பொருட்களின் தரம் மிகைப்படுத்தப்பட்டிருக்க வாய்ப்புகள் அதிகம்.

3. தளத்தின் நோக்கம் பெரும்பாலும் “எங்களைப் பற்றி” எனும் இடத்தில் குறிப்பிடப்பட்டிருக்கும். அந்த பக்கத்தில் தளத்தின் நோக்கம்
குறித்து தகவல்கள் கிடைக்கலாம். இங்கே கிடைக்கும் தகவல்களை முழுமையாக நம்பிவிட வேண்டுமென்பதில்லை. பெரும்பாலும்
இந்த இடங்களில் நேர்மையான முகம் மாட்டப்பட்டிருப்பதில்லை.

4. தகவல்களின் “மூலம்” தரப்பட்டிருக்கின்றனவா என்பதை கவனிக்க வேண்டும். அந்த தகவல் அளித்திருப்பவர் குறித்த தகவல்கள்
தரப்பட்டுள்ளனவா என்பதையும், வேறு தளத்திலிருந்தோ பத்திரிகையிலிருந்தோ எடுக்கப்பட்டிருந்தால் அதுகுறித்த விவரங்களோ,
இணைப்புகளோ தரப்பட்டிருக்கின்றனவா என்பதைப் பார்க்க வேண்டும்.

5. தகவல்கள் உண்மையானவை என்பதை நம்புவதற்குத் தேவையான சான்றுகள் இருக்கின்றனவா என்பதைக் கவனிக்க வேண்டும்.
மருத்துவ ஆராய்ச்சிகள், அறிக்கைகள் போன்றவற்றுக்கான சான்று, ஆதாரம் தரப்பட்டிருக்கின்றனவா என்பதைக் கவனிக்க வேண்டும்.

6. இந்த தகவல்களைத் தந்திருப்பவர்கள் அந்தந்த துறையில் திறமையானவர்கள் தானா என்பதைக் குறித்த புரிதல் இருப்பதும் அவசியம்.

7. இணையம் தகவல்களின் குவியலாக இருப்பதால் பல பழைய காலாவதியாகிப் போன தகவல்களும் காணக் கிடைக்கும். எனவே படிக்கும்
தகவல் எப்போதைய தகவல் என்பதைக் கவனிக்க வேண்டியது மிக மிக அவசியம். சமீபத்திய தகவல்களைச் சார்ந்திருப்பதே மாறிவரும்
சூழலுக்கு ஏற்றதாக அமையும்.

8. அந்த தளத்தில் பரிந்துரை செய்யப்பட்டிருக்கும் தகவல்கள் சார்புடையவையா என்பதை அறிய வேண்டும். அதற்கு அந்த தளத்தில்
இணைக்கப்பட்டிருக்கும் உரல்கள் ஒருவிதத்தில் உதவும். பெரும்பாலான மருத்துவ பக்கங்களில் இன்னோர் பக்கத்துக்கு இணைப்பு
வழங்குவதில்லை. இணைப்புகள் பெரும்பாலும் விளம்பர உத்திகள் என்பதைப் புரிந்து கொள்ள வேண்டும்.

9. பயன்பாட்டாளரிடமிருந்து தளம் எத்தகைய தகவல்களை வாங்குகிறது என்பதிலிருந்தும் தளத்தின் நோக்கம் பல வேளைகளில் புரிய
வரலாம். தனிப்பட்ட தகவல்களை நம்பகமற்ற தகவல்களில் அளிக்க வேண்டாம். அவை விளம்பர நோக்கத்துக்கானவை என்பதில்
சந்தேகமில்லை.

10. தளத்திலுள்ள கேள்வி – பதில் பக்கங்கள், உரையாடல்கள் போன்றவையும் தளத்தைக் குறித்த பல தகவல்களைத் தரக் கூடும். அத்தகைய
வசதி இருந்தால் சில நாட்கள் அந்த தளத்தைத் தொடர்ந்து கவனித்து வந்தாலே தளத்தின் தன்மை புரிந்து விடும்.

இவற்றைக் கவனத்தில் கொண்டால் நாம் ஒரு இணைய அன்னப் பறவையாகி நல்லவற்றைப் பிரித்தெடுக்க முடியும் என்பது நிஜம். எனவே மாறிவரும் வாழ்க்கைச் சூழலை அர்த்தமுள்ளதாக்கவும், அவசரமாய் இறங்கி நிதானமாய் வருந்துவதைத் தவிர்க்கவும், இணையத்தைப் பயன்படுத்தும் போது அதிக கவனத்துடன் இருத்தல் அவசியம்

பின் குறிப்பு :- இன்னும் கவனத்தில் கொள்ள வேண்டிய செயல்கள் தெரிந்திருந்தால், பகிர்ந்து கொள்ளுங்கள்.

திகிலூட்டும் சாலை !!!

Stremnaya road is called the road of death and its situated in Bolivia:
மின்னஞ்சலில் வந்தது. உண்மையா தெரியாது 🙂

ஆட்டோ ஓடும் சென்னைதான் இதைவிட பயங்கரமான மரணத்தின் சாலை என்று நீங்கள் நினைத்தால் ஒத்துக் கொள்வதைத் தவிர எனக்கு வேறு வழியில்லை !

road2.jpg

road3.jpg

road4.jpg

இளம் பெண்களைக் கவரும் MP3 பிளேயர்

பெண்களைக் கவரவேண்டும், அல்லது பெண்களை வைத்துக் கவர வேண்டும். இதுதான் இன்றைய வியாபார யுகத்தின் ஒட்டு மொத்த பார்வையும். சமீபத்தில் டிஸ்னி வெளியிட்டிருக்கும் எம்.பி.3 பிளேயர் பெண்களை அதுவும் இளம் பெண்களை சுண்டி இழுக்கிறதாம். படம் பார்த்தா நமக்கே புடிக்குதுல்ல ? (எம்.பி.3 பிளேயரை தான் சொல்றேன்)

one.jpg
.
two.jpg

.
three.jpg
.
four.jpg

.

five.jpg