காதலர் தின காட்சிகள் : வித்தியாசமானவை.

இது தான் உலகிலேயே மிக விலை உயர்ந்த காதலர் தின ரோஜா.
இதில் 50 காரட் வைரமாலை சுற்றப்பட்டுள்ளது. தற்போது தாய்லாந்திலுள்ள பாங்காக் ஹோட்டல் ஒன்றில் காட்சிக்கு வைக்கப்பட்டுள்ளது.

இவை ஹாலந்திலிருந்து இறக்குமதி செய்யப்பட்ட ஏழு வர்ண ரோஜாப்பூக்கள்.
இவை உண்மையில் வெள்ளை ரோஜாக்கள், அவற்றின் மீது வானவில் வர்ணம் பூசவேண்டும் எனும் சிந்தனை யாருக்கோ உதயமானதால் இப்போது ஏழு வர்ண ரோஜாவாக உருவெடுத்திருக்கிறது.

காதலி பிரிந்து சென்ற துயரத்தில் இருக்கும் காதலன் என்ன செய்யலாம் ? இதோ, இந்த கருப்பு ரோஜாக்களின் ஒன்றை அனுப்பலாம். இந்த காட்சி சீனாவில்.

இந்தப் பன்றி தென் இங்கிலாந்தில் உள்ளது. உடலில் இதய வடிவ கருப்பு அடையாளத்துடன் இருப்பதால் இது காதலர் தின சிறப்புப் பன்றியாகி பிரபலமடைந்துள்ளது.

மெக்சிகோவில் “Love to Madness” வரை எனும் கண்காட்சியில், ஓவியங்கள் சிற்பங்கள் என காதலைப் பற்றிய ஏராளமான தகவல்கள்.
சிற்பத்தில் இருப்பதைப் பார்த்து சிற்றின்ப வேட்கை கொண்ட காதலர்கள்.

சீனாவில் இளம் பெண்களைச் சுண்டியிழுக்கிறதாம் இந்த புதிய காதலர் தின பொம்மைகள். காதல் – பிணைப்பு எனும் வார்த்தைகளே சீன மொழியில் அதன் மீது எழுதப்பட்டுள்ளன.

உண்மைக் காதலர் அனைவருக்கும்
உளமார்ந்த காதலர் தின நல்வாழ்த்துக்கள்.